UPDATE - Një aksident me pasojë plagosjen e një kalimtari ka ndodhur mëngjesin e sotëm në Tiranë.

Ngjarja e rëndë ka ndodhur në zonën e Laprakës në Tiranë ku 53-vjeçari Remzi Ibrahimi është përplasur nga një automjet në momentin kur ishte duke kaluar rrugën.

I plagosuri është dërguar menjëherë me urgjencë në Spitalin Ushtarak ku ka mbërritur në gjëndje të vdekjes klinike. Me gjithë përpjekjet e mjekëve, Remzi Ibrahimi ka humbur jetën, për shkak të plagëve të rënda të marra në aksident.

Policia shoqëroi drejtuesin e mjetit që shkaktoi aksidentin ndërsa nga veprimet hetimore paraprake rezulton se këmbësori i ka ndërprerë rrugën automjetit, i cili ishte me shpejtësi në atë moment duke e bërë të pamundur shmangien e aksidentit. /albeu.com/