Kryebashkiaku Erion Veliaj është një ndër politikanët më të akuzuar për kopje të politikanëve të tjerë.
Të gjithë e kujtojmë kohën kur kryebashkiaku Veliaj imitonte me detaje fotot dhe paraqitjen publike të ish-presidentit të SHBA-së Barack Obama.
Por me ikjen e Obamës nga detyra, Veliaj ka gjetur një tjetër politikan për të kopjuar.
Këtë herë nuk kaloi oqeanin, por qëndroi në Evropë, pikërisht në Britaninë e Madhe.
Duke parë që homologu i tij, Sadiq Khan, ishte një kryetar ndryshe nga të tjerët, popullor me ide origjinale dhe shumë i përlqyer nga të rinjtë, Veliaj nuk lejoi që ky rast t’i ikte nga duart.
Pikërisht për video-n e 100-vjetorit të Tiranës, Lali Eri ka marrë copy paste video-n promovuese që Sadiq Khan ka bërë për Londrën. I vetmi ndryshim është fjala “Londër”, e cila është zëvendësuar me “Tiranë”.
Nëse shihni të dyja video-t do kuptohet shumë qartë doza e kopjimit, por për Veliajn kjo është një ide origjinale dhe këto klipe janë risi për Shqipërinë.
