Tiranë, dy të arrestuar të tjerë për goditjen e policisë
Drejtoria e Përgjithshme e policisë së shtetit njoftoi sot arrestimin e dy personave të tjerë të cilët sipas burimeve zyrtare, akuzohen se kanë goditur për shkak të detyrës, punonjësit e policisë gjatë dhe pas zhvillimit të demonstratës më 21 janar në Tiranë.

“Dje nga shërbimet e Komisariatit të Policise Nr.3, u ndalua shtetasi Ani Muharrem Byku, vjeç 26, lindur e banues në Tiranë. Prokuroria e Rrethit Gjyqësor Tiranë për këtë shtetas ka lëshuar urdhrin e ndalimit të datës 23.01.2011, pasi akuzohet se me datë 21.01.2011, nga ora 14.00’ -19.00’, në bulevardin “Dëshmorët e Kombit”, ka goditur për shkak të detyrës punonjësit e policisë. Për veprime të mëtejshme materialet i kaluan Prokurorisë nën akuzën e kryerjes së veprës penale të parashikuar nga Neni 237 i Kodit Penal”, thanë burimet zyrtare.

Sipas tyre, po dje këto shërbime, rreth orës 09.00’, arrestuan në flagrancë shtetasin:

mer Bajram Murati, vjeç 47, lindur në Burrel dhe banues Tiranë.
Ky person, sipas policisë, akuzohet se me date 21.01.2011, nga ora 14.00 -19.00, në bulevardin “Dëshmorët e Kombit”, ka goditur me mjete të forta për shkak të detyrës punonjësit e policisë të Komisariatit nr.3. Pas arrestimit, materialet e parashikuara nga Neni 237 i Kodit Penal i kaluan Prokurorisë.
Shtuar më 24/01/2011, ora 17:31

Shkruani komentin tuaj!
Të fundit nga kjo kategori