Tirana "pastrohet" në 13 nëntor, bashkia fton qytetarët të kontribuojnë
Tirana do të përfshihet nga një aksion masiv pastrimi, i cili do të shtrihet në çdo lagje të saj. Tashmë janë konstatuar edhe zonat më problematike ku pritet të ndërhyhet nga qytetarët vullnetarë.

"Bashkia bën thirrje për të gjithë banorët e Tiranës që më 13 nëntor të bashkohen në pastrimin e shtëpisë sonë të madhe. Synojmë pastrimin e rrugëve, koshave të mbeturinave, etj. Ne kemi evidentuar edhe disa pika të nxehta që janë njësia administrative numër 4, ajo numër 8 në Laprakë dhe 11"., - deklaroi Juli Dhame, drejtoreshë e Promovimit të Qytetit.

Por, ndihmës së qytetarëve do t’i bashkohet edhe vetë Bashkia e Tiranës, e cila do të vërë në dispozicion strukturat dhe mjetet e nevojshme për këtë qëllim.

"Bashkia me të gjitha agjencitë dhe ndërmarrjet e veta do të jetë e shpërndarë në të gjitha pikat e nxehta administrative. Ne do t’i caktojmë sipas hartës, afër zonës së tyre të banimit", ka saktësuar Dhame.

Pastrimi i Tiranës do të nisë në orën 09.00, ditën e diel. Sipas Bashkisë, një nga hapat e pastrimit të qytetit është që qytetarët të grumbullojnë thasët e zinj me mbeturina pranë konteinerëve./Albeu.com/
Shtuar më 07/11/2016, ora 16:13

Shkruani komentin tuaj!
Të fundit nga kjo kategori