Tiranë/ Gur kokës dhe shkelma për t’i vjedhur motorin, arrestohet 46-vjeçari
Gjatë ditës së djeshme, Policia e Tiranës ka arrestuar një shtetas 46-vjeçar, banues në Tiranë pasi ka goditur me gurë në kokë dhe me shkelma në trup shtetasin I. D., 41 vjeç, banues në Tiranë si dhe i ka vjedhur me dhunë motorin tip ZANSHEN.

Sipas policisë, dhunuesi është Besnik Simolla, i cili ka qenë i dënuar më parë për vjedhje të energjisë elektrike.

Njoftimi i policisë:

Më datë 16.11.2016 Shërbimet e Komisariatit të Policisë Nr 3, bënë të mundur arrestimin në flagrancë të shtetasit:

Besnik Simolla, 46 vjeç, banues në Tiranë, i dënuar më parë për veprën penale "Vjedhje të energjisë elektrike".

Arrestimi i këtij shtetasi u bë se, në Rrugën "Karl Gega", ka goditur me gurë në kokë dhe me shkelma në trup shtetasin I. D., 41 vjeç, banues në Tiranë si dhe i ka vjedhur me dhunë motorin tip ZANSHEN.
Materialet i'u kaluan Prokurorisë pranë Gjykatës së Shkallës së Parë Tiranë për veprën penale të "Vjedhjes me dhunë" parashikuar nga Neni 139 i Kodit Penal./Albeu.com/
Shtuar më 17/11/2016, ora 08:55

Shkruani komentin tuaj!
Të fundit nga kjo kategori