Thirrjet e Bashës për protesta, reagon PS: Mos bëj si qingj i pafajshëm
Partia Socialiste ka reaguar mbi thirrjet e kryetarit të PD, Lulzim Basha për protesta e mosbindje civile ditën e hënë.

Në reagimin e selisë rozë cilësohet se Basha dhe opozita kanë vonuar zbatimin e ReformësDrejtësi dhe po rrezikon ta çoje vendin drejt destabilitetit.

Deklartata e plotë e PS:

Është koha që Basha të mësojë se: Ai që bënte thirrje vetëm pak ditë më parë për të thyer dritaret e për të shpuar gomat, nuk mund të pretendojë krejt papritur e pakujtuar se është thjesht një qingj i pafajshëm.

Çadra e Bashës e ka vonuar mjaft tashmë zbatimin e ReformësDrejtësi dhe rrezikon ta nxjerrë Shqipërinë nga rruga drejt BE-së.

Kërcënimet e tij për bllokimin e rrugëve dhe bojkotin e zgjedhjeve janë një rrugë e rrezikshme që na çon pashmangshmërisht vetëm drejt dhunës, pikërisht ashtu si në 1997-n. Ne nuk do ta lejojmë PD-në t’ju marrë peng të ardhmen shqiptarëve. Në 18 Qershor, qytetarët do të jenë të lirë të shprehin vullnetin për zgjedhjen e tyre. /albeu.com/
Shtuar më 22/04/2017, ora 15:26
Shkruani komentin tuaj!
Të fundit nga kjo kategori