Tha se gratë duhen rrahur ndonjëherë, aktivistja me tërbim ndaj shkrimtares: Kap hollo byrekun ti mos fol k**lliqe
Pëlqej
Ka ngjallur jo pak debat një shkrim i Gerina Mullajt në lidhje me gratë dhe faktin sipas saj se ato duhen rrahur ndonjëherë.

Përmes një postimi në Facebook, aktivistja nga Shkodra Brigela Demaj ka kundërshtuar fort këtë shkrim duke i këshilluar Gerinës të "hollojë byrekun" më mirë.

"Gerina kap hollo petet e byrekut moter ti, ban punen qe te takon, c'ke qe perdor dhe rrjetet sociale? Ashtu ta marrsha, peten ta hollosh nga te dyja anet, burrit ti rrish gati me byrekun dhe me shkopin, qe mbasi te drekojne me ta dhan nji dru te mire, dhe flen e qete, pa stres, pa shqetesime. As ne nuk shqetesohena prej mega-k***qeve qe shkrun, as ti nuk shqetesohesh se pse po nuk po ha dru"., -shkruan ajo.

Brigela Demaj bëri bujë disa muaj më parë në rrjetet sociale duke hedhur një foto të saj me bikini, ndërkohë që theksonte se nuk kishte problem nga kilet e tepërta në trup.

Shkrimi i Gerina Mullajt
Nga Gerina Mullaj

Ndonjëherë duhen rrahur gratë, dhe për këtë çdokush ka të drejtën të më quaj të çmendur për aq kohë sa i besohet bindjes se të vërtetat më të çuditshme duhet t’ja themi vetëm vetes.

Nuk ka burrë që më pak se një herë, përgjatë jetës së tij, të mos ketë dashur me gjithë shpirt të rrahë një grua.

I thotë mendjes se ajo duhet rrahur jo me qëllimin që të dal e tija, se ai e ka të qartë që nëse do të bëjë për vete një femër duhet të lerë mënjanë shpresën se do jetë i aftë ndonjëherë të zotërojë mendjen e saj, por me qëllimin që edhe ajo të bindet për fuqinë e tij më të madhe, përmes së cilës zë fill burrëria, dhe kjo është dora.

Megjithëkëtë gratë e meritojnë të rrihen edhe për shkak të natyrës së tyre të djallëzuar.

Qyshkur në zanafillë, Zoti s’ka qënë mendjelehtë që të mos dëshironte të ishte mazhorancë, dhe për të mposhtur kundërshtarin e tij, djallin, ai krijoi femrën.

Ajo futi në shishe djallëzinë përmes djallëzisë, burgosi opozitën e Krijuesit duke e bërë atë kapiten vetmitar.

Edhe për shkak se ato nuk mund ti nënshtrosh ndryshe, nuk mund t’ja u ndrydhësh fuqinë qëkurse ato u kujtuan se duhet të bëjnë karrierë, pavarësisht se kjo dukuri e kohëve moderne të shtin në mendje dyshimin se kjo ambicje mund të mos i shkojë aspak ndjeshmërisë së femrës.

Një shkrimtar ka thënë se për të dalluar nga është suksesi duhet parë andej nga shikon femra, por kjo do të thotë të shohësh vetëm pasqyrën. Ndoshta kjo lloj ambicje nuk i bën asaj, është rrobë e ngushtë, nuk i rri mirë.

Duhen rrahur edhe për arsyen se kur vjen puna të ushtrojnë virtytin më të mirë të tyren, ndjeshmërinë, tek burrat ato i japin dorë të kundërtës, dinakërisë, e rreken që ta budallallepsin.

Kjo ndodh se ato nuk bëjnë as përpjekjen më të vogël të fshehjes së nevojës për të drejtuar, dhe një budalla drejtohet më lehtë.

Përplasin qerpikët, përkundin flokët, veshin geta rrjetë tamam si rrjeta e merimangës dhe mjerë kush ngec aty, veshin taka e tingulli prej tyre vjen si simfoni në veshët e gjinisë së dobët, pinë verë me finesën e një profesionisti që njeh mirë verën edhe pse nuk kanë grimën e njohurisë, dhe mjafton kaq për kataklizmën, për ta budallallepsur një burrë, e më pas për ta drejtuar.
Por nuk mbaron këtu.

Ato duhen rrahur edhe për shkak se synojnë të njëjtat gjëra që synon gjinia tjetër. Synojnë barazi gjinore kur në të vërtetë ato duhet të kuptojnë që s’kanë për të qënë ndonjëherë të barabarta me meshkujt. Ato qëndrojnë më lart. Prandaj ndonjëherë duhen rrahur. /albeu.com/
Shtuar më 12/10/2017, ora 15:35

Shkruani komentin tuaj!
Të fundit nga kjo kategori