Terror në Fier! Hajdutët me armë në dorë i hyjnë në shtëpi 65 vjeçarit, plagoset 1 person
Mbrëmjen e sotme në Fier, në fshatin Reskovec ka ndodhur një grabitje ku kanë mbetur i plagosur një shtetas.

Bëhet fjalë për shtetasin Arben Çepele, 40 vjeç, i cili është kushëriri i të zotit të shtëpisë ku u tentua grabitja, 65 vjeçari i cili ka të njëjtin emër me të plagosurin, sipas burimeve nga policia,

I plagosuri ndodhet në spitalin e Fierit, jashtë rrezikut për jetën. Policia ka ngritur postblloqe në zonë dhe po tenton identifikimin dhe kapjen e autorëve të ngjarjes.

Fier/Informacion paraprak:

Sot rreth orës 20:20, në Roskovec, persona të paidentifikuar kanë shkuar për të vjedhur në banesën e shtetasit A. Ç, rreth 65 vjeç, por janë pikasur nga pronari dhe kushëriri i tij.

Autorët kanë qëlluar me armë zjarri në drejtim të dy kushërinjve dhe për pasojë ka mbetur i plagosur kushëriri i pronarit të shtëpisë, shtetasi A. Ç, rreth 40 vjeç, i cili ndodhet në spitalin e Fierit nën kujdesin e mjekëve.

Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorëve.

Grupi hetimor ndodhet në vendin e ngjarjes dhe vijon punën për fiksimin e çdo prove materiale që do shërbejë për zbardhjen e ngjarjes, identifikimin dhe kapjen e autorëve.” njofton Policia.

Shtuar më 10/02/2021, ora 21:59

Shkruani komentin tuaj!
Të fundit nga kjo kategori