Një 31-vjeçar nga Durrësi ka tentuar të djegë të gjallë ish-bashkëshorten e tij. Ngjarja ka ndodhur në Shkozet, kur Sokol Halili ka shkuar në parukerinë ku punonte ish-gruaja e tij dhe ka nisur ta dhunojë egërsisht, duke e goditur me grushte e shkelma.

Në një moment gruaja ka mundur t’i telefonojë policisë, po ndërkohë aktet e dhunshme ndaj 32- vjeçares kanë vijuar më tej. Halili e ka lyer atë dhe parukerinë e saj dhe ka tentuar ti vërë flakën. Por fal ndërhyrjes në kohë të policisë, gruaja ka mundur të shpëtojë, ndërsa burri i dhunshëm është arrestuar në kushtet e flagrancës. /albeu.com/