Tentoi të kalojë 425 kg kanabis për në Itali, kapet pas një viti vlonjati
Pëlqej
Policia ka vënë në pranga shtetasin Ardit Kita, 29-vjeç pasi akuzohet për trafik droge.

Kita një vit më parë tentoi të kalojë me kamion 425 kilogram për në Itali.

"Ngjarje e ndodhur më datë 29.01.2017, ku në PKK Durrës, në mjetin kamion i’u gjet dhe i’u sekuestrua një sasi prej 425 kg e 650 gr. lëndë narkotike Cannabis Sativa"- njofton policia e Shtetit.

Njoftimi i policisë:

Vijon puna për kapjen dhe ndalimin e shtetasve të shpallurkërkim. Kapet një shtetas i shpallurkërkim në fushën e narkotikëve!

Strukturat Policore të Seksionit për Hetimin e Narkotikëve në Drejtorinë Vendore të Policisë Vlorë, në vijim të punës për kapjen e ndalimin e shtetasve të shpallurkërkim dhe vënien e tyre para përgjegjësisë ligjore kanë bërë të mundur ndalimin e shtetasit: Ardit Kita, 29 vjeç, lindur në Fier dhe banues në Vlorë.

U krye ekzekutimi i vendimit penal për ndalimin e këtij shtetasi pasi Gjykata e Shkallës së Parë për Krimet e Rënda Tiranë, i ka caktuar masën e sigurisë ”Arrest me Burg”, për veprën penale ”Trafiku i Narkotikëve, kryer në bashkëpunim e mbetur në tentativë”.

Ngjarje e ndodhur më datë 29.01.2017, ku në PKK Durrës, në mjetin kamion i’u gjet dhe i’u sekuestrua një sasi prej 425 kg e 650 gr. lëndë narkotike Cannabis Sativa.

Materialet proceduriale iu referuan Prokurorisë pranë Gjykatës së Shkallës së Parë për Krimet e Rënda Tiranë, për veprën penale ”Trafiku i Narkotikëve, kryer në bashkëpunim e mbetur në tentativë”, të parashikuar nga nenet 283/a/2, 25 dhe 22 të Kodit Penal. /albeu.com/

Shtuar më 06/04/2018, ora 16:11
Shkruani komentin tuaj!
Të fundit nga kjo kategori