Tensionet në Mesdhe, Macron pozicionohet në krah të Greqisë
Tensionet mes Greqisë dhe Turqisë në Mesdhe vazhdojnë me tone të nxehta.

Presidenti i Francës Emmanuel Macron shprehu mbështetjen e tij të plotë për Greqinë kundër provokimeve Turke, në deklaratat e tij pas Samitit të BE.

"Ne u kthyem në çështjen e Turqisë pas konkluzioneve të 2 tetorit dhe posaçërisht pas rifillimit të veprimeve të njëanshme dhe provokimeve nga ana e Turqisë, në mënyrë që të riafirmojmë shumë qartë qëllimin tonë për dialog.

Por konkluzioni ynë është se pas përfundimeve të 2 tetorit, Turqia vendosi të vazhdojë me të njëjtat metoda dhe, prandaj rikonfirmoj mbështetjen tonë për Qipron dhe Greqinë, dhe synimet tona për të mos u lëkundur përballë këtyre provokimeve.

Ne do t’i kthehemi kësaj çështje me vendime në muajt e ardhshëm, në varësi të zhvillimeve të sjelljes së Turqisë", tha Macron.
Shtuar më 16/10/2020, ora 17:05

Shkruani komentin tuaj!
Të fundit nga kjo kategori