Tensione në Mesdhe, rusët ndjekin anijen luftarake amerikane
Një anije luftarake ruse është parë të ndjekë atë amerikane USS Harry S. Truman në ujërat e detit Mesdhe.

Video e publikuar nga reporterët e ITV shfaq anijen luftarake ruse Yaroslav Mudry në distancë teksa ndjek mjetin lundrues amerikan.

Pasi u nis nga Norfolku i Virginia-s në SHBA në prill, Harry S. Truman ka mbështetur sulmet e ndërmarra ndaj objektivave të ISIS në Siri në kuadër të Operacionit Zgjidhja e Menjëhershme, rol të cilin e ka luajtur për herë të fundit në vitin 2016.

Aeroplanmbajtësja amerikane me vlerë 4.5 miliardë dollarë është përcaktuar që të “projektojë praninë dhe fuqinë amerikane në çdo breg” sipas marinës amerikane.

"Ky është grupi më i madh bombardues që lundron përtej brigjeve lindore amerikane prej shumë kohësh” tha admirali Gene Black, komandant i grupit bombardues të aeroplanmbajtëses.

Prania e grupit bombardues është një mesazh i qartë gjithashtu edhe ndaj Moskës.
Shtuar më 14/05/2018, ora 08:52

Shkruani komentin tuaj!
Të fundit nga kjo kategori