Të vendosura deri në vdekje, naftëtaret e Ballshit hyjnë në ditën e 13 të grevës
Ka nisur kështu dita e 13 e grevës së urisë së grave naftëtare të Ballshit, ndërsa gjendja e tyre shëndetësore po përkeqësohet.

Mësohet se disa prej tyre janë zëvendësuar nga koleget pasi ishin në gjendje të rënduar, si temperaturë, të vjella dhe rrahje të forta zemre.

Edhe pse kryeministri Edi Rama prej ditësh ka bërë thirrje të dalin nga greva dhe të flasin, ato shprehen të vendosura dhe kanë refuzuar ndërprerjen e grevës.

"Fëmijët na pyesin kur do shkojmë në shtëpi. Nuk dalim nga kjo grevë deri në vdekje. Fëmijët i ka marrë malli, na shohin nga televizori. Jemi në gjendje të rëndë. Kryeministër na zgjidh hallin tonë.", deklarojnë ato.

Kujtojmë se naftëtarët kanë deri në 11 paga të prapambetura.
Shtuar më 27/10/2020, ora 10:17

Shkruani komentin tuaj!
Të fundit nga kjo kategori