Takimi Patozi-Ruci, zgjidhja ende larg
Albeu.com
Në prag të seancës së fundit të kësaj legjislature të Kuvendit, krerët e dy grupeve parlamentare, Astrit Patozi dhe Gramoz Ruci janë takuar sot në mbrëmje për të diskutuar për krijimin e komisionit hetimor parlamentar për zgjedhjet e 28 qershorit.Takimi sapo ka përfunduar dhe përfaqësuesit e dy grupeve parlamentare nuk kanë dhënë asnjë prononcim për mediat.

Ky vendim është marrë me konsensus gjatë takimit dhe nënkupton se arritja e konsensusit mes PD dhe PS është ende larg.

Ata thanë vetëm se marrëveshja mund të arrihet brenda 27 korrikut, kur do të mbahet dhe seanca e fundit e sesionit parlamentar.

Politika shqiptare mbahet peng nga përplasja mes palëve për hapjen e kutive të votimit të zgjedhjeve të 28 qershorit.

Partia Socialiste kërkon që qeveria t’i hapë ato, ndërkohë që ajo Demokratike i sugjeron opozitës që të ndjekë rrugën e gjykatave.

Negociatat mes Patozit dhe Rucit mund të vijojnë edhe nesër, kur do të mbahet dhe seanca e parafundit parlamentare, ku do të diskutohen shumë ligje të cilët PS ka paralajmëruar se nuk do t’i votojë pa u arritur më parë një marrëveshje.

Dy palët kanë kohë deri të hënën për të rënë dakord, por nëse arrihet një marrëveshje rregullorja e Kuvendit lejon mbajtjen e një seance të jashtëzakonshme. (tch)
Shtuar më 22/07/2010, ora 00:32
Tage: arkiv
Shkruani komentin tuaj!
Të fundit nga kjo kategori