Superaksioni në 4 shtete, Europoli shkatërron bandën shqiptaro-rumune
Europol ka shtrirë një aksion masiv në Belgjikë, Rumani, Zvicër, Itali dhe Shqipëri ku ka bërë të mundur shkatërrimin e një grupi grabitësish të cilët shkatërronin dhe vidhnin banësa.

Burime zyrtare nga policia bëjnë me dije se gjatë aksioni janë arrestuar 4 persona, të cilët ishin pjesë e bandës kriminale që dyshohet se ka kryer më shumë se 40 grabitje banesash.

Numri i personave që bënin vjedhjet është më i madh dhe sipas EUROPOL po punohet për arrestimin e autorëve të tjerë. Grupi që vidhte banesat në disa shtete të Europës drejtohej nga shqiptarët.

Deri më tani ata mendohet se kanë grabitur produkte që kapin një vlerë prej 100.000 euro.

Grabitësit pasi hynin në shtëpi të ndryshme merrnin sende me vlerë, si ora, bizhuteri etj. Europol thotë se anëtarët e kësaj bande, në momentin kur shikonin që kishte banorë në shtëpi, atëherë i qëllonin ata në mënyrë të dhunshme. Shqiptarët mendohet se kishin rolin kryesor në këtë grup, të cilët hapnin dyert dhe më pas bënin grabitjet.

Synimi i tyre kanë qenë vilat luksoze, ku merrnin të gjitha sendet me vlerë.

Arrestimet janë bërë në 3 banesa në Rumani, ku grupi kishte bazën e tyre. Në momentin e arrestimit të 4 “skifterëve” u janë gjetur orë, produkte kozmetike me vlerë si dhe shumë sende të tjera.
Për arrestimin e kësaj bande kriminale janë angazhuar ekspertë nga disa shtete të Europës, por edhe nga Shqipëria. /albeu.com/


Shtuar më 16/03/2017, ora 12:30

Shkruani komentin tuaj!
Të fundit nga kjo kategori