Ministri i Punëve të Jashtme të Shqipërisë Ditmir Bushati ka reaguar në lidhje me sulmin e SHBA-së në Siri pas sulmit me armë kimike ndaj popullësisë siriane.

Ditmir Bushati ka deklaruar se reagimi i SHBA-së pas sulmit kimik ishte shumë i nevojshëm dhe i fortë.

Ministri Bushati gjithashtu citon se mbështesim vendimin e Trump ndaj çdo ndërhyrje në Siri.

“Bombardimet amerikane në Siri janë një përgjigje e fortë dhe e nevojshme e Administratës amerikane kundër përdorimit të armëve kimike nga regjimi i Assad-it”, shkruan Bushati në Twitter.

Vendimi i SHBA-ve erdhi pas sulmit me armë kimike mbi dhjetëra civilë nga forcat e liderit sirian Bashar Al-Assad ku gjetën vdekjen edhe dhjetëra fëmijë të helmuar me gaz toksik.

Këtë vendim e ka kundërshtuar Rusia, e cila akuzon rebelët sirianë për gjendjen në vend./albeu.com/