Sulejmani: Mosanetaresimi ne BE dhe NATO do te jete nje zhgenjim i madh
Albeu.com
Duke folur për çështjen e pazgjidhur të emrit me Greqinë, analisti Sulejmani për ALSAT tha se në vend mungon një debat politik për këtë çështje.
Moszgjidhjen e çështjes së emrit me Greqinë, mosanëtarësimi në NATO dhe mosmarrja e datës për fillimin e bisedimeve për anëtarësimin e vendit në BE, mund të krijojnë pasoja multidimensionale të natyrave të ndryshme politike, ekonomike, psikologjike po pse jo edhe të natyrave strategjike.
Kështu është shprehur për ALSAT analisti Rizvan Sulejmani, sipas të cilit sa më afër është shteti kah BE-ja mundësia për shfrytëzimin e fondeve është më e madhe.
"Mosanëtarësimi në BE dhe NATO do të jetë një zhgënjim i madh dhe humbje e perspektivës, çështja tjetër apo ngjitësi që i ngjet një shoqëri multietnike rasti konkret në Maqedoni dhe emëruesi i përbashkët i kësaj shoqërie mund të jetë ideja për NATO dhe BE dhe rrënimi i këtij bazamenti mbi cilin ndërtohet ky shtet multietnik mund të ketë pasoja katastrofale, gjithsesi këtu janë edhe pasojat ekonomike sepse anëtarësimi dhe afrimi kah BE krijon mundësi serioze të RM-së për shfrytëzimin e fondeve që janë në disponim për shtete kandidate", deklaroi Sulejmani.
Duke folur për çështjen e pazgjidhur të emrit me Greqinë, analisti Sulejmani tha se në vend mungon një debat politik për këtë çështje, ku do të dëgjoheshin argumentet.
"Neve në këtë moment ende nuk e kemi të qartë se çka është me rëndësi për Greqinë dhe çka është me rëndësi për Maqedoninë, kur do të definojmë se çka është ajo çka e pengon Greqinë në këtë rast dhe çka është ajo që pengon Maqedoninë në këtë rast unë mendoj se mund të gjejmë një solucion të kapshëm dhe të rrafshtë. Kam përshtypjen se neve ende nuk komunikojmë në këtë formë, kam ide se opinioni ynë është i mbyllur, me një ide se koncenzusi është më se i domosdoshëm, por koncenzusi jo mbi parimin e debatit të sqarimit të fenomenit dhe të problemit, por ne jemi në të drejtë ai nuk është në të drejtë, ne jemi OK të tjerët nuk janë OK apo e kundërta, kjo qasje nuk garanton suksese", deklaroi analisti Rizvan Sulejmani.
Ndërkohë në një intervistë për të përditshmen "Adezmevtos tipos”, duke folur për çështjen e emrit, shefja e diplomacisë greke Dora Bakojani ka përsëritur pozitën e Greqisë për zgjidhje të formës së përmbajtur me prapashtesë gjeografike për të gjithë. Bakojani ka thënë se Greqia mund të imponojë veto edhe për afrimin e vendit për në BE. (Shkëlzen Aqifi, alsat)
Shtuar më 19/10/2008, ora 23:44
Tage: arkiv
Shkruani komentin tuaj!
Të fundit nga kjo kategori