Stuhia dëmton shtyllën e energjisë, pa drita Kukësi dhe Hasi
Rajoni verilindor i vendit ditën e djeshme është përfshirë nga një stuhi e fortë duke shkaktuar mjaft probleme të mëdha në sistemin energjitik duke dëmtuar shtyllat e tensionit të lartë të transmetimit të energjisë nga hidrocentrali i Fierzes drejt Nënstacionit të Rexhepajve duke lënë pa energji rrethin e Kukesit dhe Hasit.

Grupet e punës janë në terren për të kontrolluar gjithë gjatësinë e linjës së tensionit të lartë për të riparuar defektet që janë krijuar si pasojë e kësaj stuhie.

Gjithashtu mësohet se si pasojë e erërave të forta janë dëmtuar dhe godinat arsimore duke dëmtuar çatitë e shkollës në fshatin Pistë të Njësisë Administrative Malzi dhe kopshtin e qytetit të Krumës në bashkinë e re të Hasit. /albeu.com/

Shtuar më 11/02/2016, ora 09:01

Shkruani komentin tuaj!
Të fundit nga kjo kategori