Studentja shqiptare që fitoi bursë nga Google
Studentja shqiptare Evis Hoxha, studente e vitit të dytë në degën Inxhinieri Kompjuteri pranë Universitetit Ndërkombëtar të Antalyas në Turqi, është shpallur fituesja e vetme nga Turqia e bursës Anita Borg që ofrohet nga Google.

Bursa Anita Borgi u jepet çdo vit nga Google studenteve vajza për të mbështetur dhe nxitur studimet në fushën e teknologjisë dhe kompjuterit, transmeton Albeu.com.

Përveç shumës monetare prej 7000 eurove, Evisi ka fituar të drejtën që praktikën e verës ta bëjë në zyrat e Google në Zurich të Zvicrës.

Së bashku me studentet shqiptare, këtë bursë e kanë fituar edhe 19 studente të tjera nga universitet e njohura si Oxford, Ecole Polytechnique, Royal Institute of Technology, etj.

Evis Hoxha edhe më herët ka qenë pjesëmarrëse në gara të ndryshme ku edhe ka arritur rezultate të kënaqshme. Ajo ka qenë fituese e çmimit të parë të Olimpiadës së Fizikës në Shqipëri si dhe ka fituar medalje bronzi në Olimpiadën Ballkanike të Kompjuterit në vitin 2014. /albeu.com/
Shtuar më 18/06/2016, ora 01:57
Shkruani komentin tuaj!
Të fundit nga kjo kategori