Aksident me pasojë vdekjen në autostradën Tiranë-Elbasan

Një aksident ka ndodhur pasditen e kësaj të shtune në autostradën Tiranë Elbasan.

Një mjet ka përplasur një këmbësor, i cili për pasojë ka humbur jetën. Ndërkohë, drejtuesi i mjetit me targa maqedonase mësohet se është Berat Beciri, shqiptar i RMV.

Ende nuk është identifikuar viktima, ndërsa mësohet se në vendngjarje ka mbërritur policia dhe po punon për zbardhjen e rrethanave të ngjarjes.

Njoftimi i policisë:

Tiranë/Informacion paraprak

Më datë 03.12.2022, rreth orës 17:30, në Mullet, në rrugën Tiranë-Elbasan, mjeti me drejtues shtetasin B. B., ka aksidentuar një shtetas ende të paidentifikuar, i cili si pasojë e aksidentit ka ndërruar jetë në vendngjarje.

Grupi hetimor po punon për saktësimin e gjeneraliteteve dhe sqarimin e rrethanave të aksidentit./albeu.com


Shtuar 3.12.2022 18:12