Studentët e Ekonomikut letër Bashës
Studentë dhe stafi akademik i Fakultetit të Ekonomisë protestuan këtë të premte para Bashkisë së Tiranës ku i dorëzuan kryebashkiakut Lulëzim Basha një letër të hapur përmes së cilës i kërkojnë çlirimin e hapësirave akademike nga ndërtimet pa leje.


"Pika e parë është prishja e dy ndërtimeve që janë në ndërtim e sipër në këtë moment që ne flasim, njëra është në ambientet e kampusit dhe është totalisht pa leje dhe ndërtimi i tjetër që është pranë fakultetit tonë. Kërkesa e dytë është marrja e masave, bërja e një plani urbanistik për ndërtesat që janë në anën tjetër të fakultetit, të cilat kanë përdunduar ndërtimin kohë më parë dhe kanë rrethuar komplet edhe magazinën, madje disa nga ato ndërtesa kanë prishur edhe murin e magazinës së Fakultetit", thotë Armir Roko, kryetar i Këshillit Studentor. /albeu.com/
Shtuar më 13/09/2013, ora 17:24
Shkruani komentin tuaj!
Të fundit nga kjo kategori