Studentët e Universitetit Bedër, pranë të prekurve nga tërmeti

Kolegji Universitar Bedër ka vendosur që periudhën mes datave 2-6 dhjetor ta shpallë "Javën e Vullnetarizmit dhe Solidaritetit", duke qenë në terren pranë të prekurve nga tërmeti i datës 26 nëntor. Ndërkohë, pjesa më e madhe e universiteteve në vend do të jenë pushim gjatë ditëve në vazhdim.

Për katër ditë me radhë studentët e Bedër ishin në Thumanë dhe në zona të tjera të Bashkisë së Krujës, për t’i ardhur në ndihmë familjeve të prekura.

"Stafi dhe studentët e KU Bedër janë të ftuar të bëhen pjesë e javës së vullnetarizmit dhe solidaritetit", thuhet në urdhrin e Rektorit të KU Bedër, Prof. Ferdinand Gjana.

Bedër njofton se për shkak të këtij angazhimi, i gjithë procesi mësimor i parashikuar për këtë periudhë, përfshirë dhe provimet, do të shtyhen për një javë më mbrapa.

Për t'u vlerësuar gjatë këtyre ditëve është angazhimi i shumë organizatave, institucioneve, apo njerëzve të thjeshtë, për t'u ardhur në ndihmë njerëzve të prekur.
Shtuar më 01/12/2019, ora 17:10

Shkruani komentin tuaj!
Të fundit nga kjo kategori