Spahiu uron besimtarët nga Shqipëria, Kosova, Çamëria, Ilirida
Kryetari i Aleancës Kuq e Zi, Kreshnik Spahiu ka uruar të gjithë shqiptarët, kudo ata jetojnë, në Shqipëri, Kosovë, Iliridë, Ulqin e Preshevë.

Spahiu theksoi se populli shqiptar është ai popull që kurrë nuk është gjunjëzuar përpara askujt, përveçse përpara flamurit dhe para kombit.

“Le të jetë kjo festë, momenti i unititetit dhe mirëkuptimit më të madh me njëri–tjetrin. Le të jetë si një vlerë e domosdoshme për ne shqiptarët, për të punuar dhe vepruar për një të ardhme sa më të mirë të brezave që vijnë pas nesh, dukë vënë interesat e përgjithshme mbi interesat personale, duke dhuruar më shumë dashuri në vend të urrejtjes", uroi Spahiu.

Kreshnik Spahiu ka kujtuar se në këtë Bajram në Gazë po vriten njerëz të pafajshëm dhe se duhet një solidaritet me ata njerëz që kanë humbur jetën në këtë rajon. /albeu.com/
Shtuar më 28/07/2014, ora 13:59

Shkruani komentin tuaj!
Të fundit nga kjo kategori