Spahiu takim me të rinjtë: Kuqezinjtë do largojnë gardistët e vjetër
Kreu i Aleancës Kuqezi, Kreshnik Spahiu ka zhvilluar sot një takim me strukturat rinore të këtij subjekti politik në Tiranë. Në fjalën e tij para të rinjve Spahiu është shprehur i bindur për fitoren e AK në zgjedhje dhe largimin e atyre që i ka quajtur “garda e vjetër”.

“Kuqezinjtë do largojnë gardistët e vjetër. Vetëm vota e të rinjve do të ndryshojë Shqipërinë. Të rinjte kuqezi do ta çojnë vendin drejt BE-së. Qeveria po rrit borxhin që ta paguajnë të rrinjtë. Po ashtu, po rrit moshën e pensionit. Nuk ka vende të reja pune për të rinjtë me PD dhe PS. Me këto parti 1 milion të rinj janë të papunë”, ka shtuar Spahiu.

Pak ditë më parë Spahiu zhvilloi një tubim në qytetin e Patosit, ku iu rikthye akuzave të ashpra ndaj kryeministrit dhe mazhorancës në pushtet. /albeu.com/
Shtuar më 30/01/2013, ora 18:59

Shkruani komentin tuaj!
Të fundit nga kjo kategori