Spahiu kërkon ndryshimin: 23 vite u qeverisëm nga horrat
Aleanca Kuq e Zizhvilloi këtë të dielë Kongresin e dytë kombëtar. Në fjalën e tij, kreu i AK-së Kreshnik Spahiu sulmoi dy partitë e mëdha në vend për mungesën e një programi të qartë.


"Dy partitë kryesore PD dhe PS nuk kanë një program të shkruar. Sot demokratët dhe socialistët nuk disponojnë një broshurë programi elektoral apo qeverisës. Turp për ju të dy që u premtuat shqiptarëve një sistem zgjedhor ndyshe dhe respektimin e votës së lirë por ju sërish votat i numëroni të dy për tju mponuar një populli që ju urren të keqen më të vogël. Turp për mjekun Berisha i cili nga një mjek u shndërrua në një katik dhe e rrënoi sistemin shëndetsor si më të korruptuarin dhe rrënuarin në Shqipëri. Turp për piktorin Edi Rama që në 20 vite karrierë nuk mbrojti kalatë, kështjellat, monumentet dhe vlerat kombëtare të kombit, por të vetmet suksese janë pallatet me shigjeta të lyera me jeshile dhe lejla. Turp për shtetasin Berisha që ka 23 vite vjedh votat e shqiptarëve. Turp për Edi Ramën që pa ardh në pushtet ka pushtuar mediat shqiptare dhe censuron dhe mbyll ekranet për fjalën e lirë dhe patriotët kuqezi", tha Spahiu.

Aleanca KuqeZi, -u shpreh me tej Spahiu, përfaqëson një ideal që nuk mund të vdesë, se ky është amaneti iluminist i rilindasve tanë të mrekullueshëm dhe jo të rilidhjes së tradhëtarëve.


"Ky është amaneti i miliona shqipëtarëve për ta parë Shqipërinë të bashkuar dhe të begatë. 23 vite jemi qeverisur majtas dhe djathtas dhe përfundimi një grusht horrash që pasurohen dhe shesin shiprtin e tyre vetëm për para. Ata horra shesin gjithcka nga vendi por blejnë vetëm dicka, votën e shqiptarëve. Tentojnë të na blejnë të ardhmen tonë. Shitën ujrat e Shqipërisë, pyjet, minierat, bregdetin, thesarin dhe varrezat duke tundur kockat e të parve dhe skanë turp të na dalin përpara si hijena. 23 vite gënjejnë, vrasin, bëjnë zullume dhe sërish dalin në tribuna dhe kërkojnë votën", tha ai. /albeu.com/
Shtuar më 02/06/2013, ora 16:50

Shkruani komentin tuaj!
Të fundit nga kjo kategori