Skënderbeu në diamante, kjo ishte kurora 50 mijë dollarëshe e mbretëreshës Geraldinë

Kurora që shikoni në galerinë e bashkëngjitur lajmit është kurora e mbretëreshës së Shqipërisë, Geraldinë.

Ajo është krijuar në Vienë të Austrisë. Siç mund t'a shihni edhe nga fotot, kurora ka në majë lule diademë, përkrenaren e Skëndërbeut dhe është e larë me platinium e diamante.

Kjo kurorë u krijua për martesën e mbretëreshës me Mbretin Zog në vitin 1938.

Kurora ra në duart e biznesmentit dhe filantropistit amerikan Elmer Holmes Bobst, i cili ia dhuroi bashkëshortes në 1966, pasi e konsideroi atë si një xhevahir të përsosur për t’u mbajtur prej saj në Shtëpinë e Bardhë, në darkën e shtruar për nder të tij.

Së fundmi kurora e mbretëreshës Geraldinë të Shqipërisë është prezantuar nga shtëpia e famshme e ankandeve Sotheby me një vlerë prej 30 mijë deri 50 mijë USD. /albeu.com/

Shtuar më 29/03/2018, ora 10:06
Shkruani komentin tuaj!
Të fundit nga kjo kategori