Skandali me vaksinat e gripit, gjobitet "Megapharma"
Në një kohë kur gripi dhe virozat janë nëpër këmbë, vaksina kundër tyre bëhet padyshim e domosdoshme.

Por nëse qytetarët do të kërkonin vaksinën e gripit "INFLUVAC SUB-UNIT TETRA" nuk do ta gjenin dot lehtë, kjo pasi kompania "Mega Pharma" e cila është ndërmarrja e vetme e autorizuar për të importuar dhe për të hedhur në treg vaksinën, kishte bërë të mundur që kjo e fundit të shpërndahej në vetëm një rrjet farmacish, në të cilin "Mega Pharma" zotëronte 75% të kapitalit shkruan albeu.com.

Për këtë arsye, Autoriteti i Konkurrencës ka marrë masa ndaj kompanisë tregtuese të barnave duke e gjobitur me 10% të xhiros vjetore në rast se nuk furnizon të gjitha depot dhe farmacitë e tjera dhe jo vetëm rrjetin e farmacive "Orange".

Raste të tilla nuk janë të pakta në industrinë e barnave, ku shpesh kompanitë krijojnë afera duke prishur konkurrencën. /albeu.com/

Për vendimin e plotë Lexo KETU
Shtuar më 15/10/2020, ora 14:27

Shkruani komentin tuaj!
Të fundit nga kjo kategori