Skandali i përgjimeve dhe urgjenca e Ramës për të zgjedhur zëvendësin e Llallës
Adriatik Llalla është në ditët e fundit të mandatit të tij dhe duket se maxhoranca po kërkon që me shpejtësi të ulë dikë tjetër në vend të tij në kulmin e skandaleve, siç janë përgjimet që implikojnë ish-ministrin e Brendshëm në trafik ndërkombëtar narkotikësh apo bisedat e përgjuara të ministrit Gjiknuri dhe kreut të Bashkisë së Durrësit Vangjudh Dako me element të theksuar kriminal në Durrës dhe Vlorë.

Në këtë kuadër, Rama ka mbledhur anëtarët socialist të Komisionit të Ligjeve duke konsultuar me ta hapësirat ligjore përmes të cilave të ulin një kryeprokuror të përkohshëm në kolltukun e Llallës deri në kalimin e kësaj furtune skandalesh në maxhorancë.

Me ndryshimet ligjore në kuadër të Reformës në Drejtësi, Kryeprokurorin duhet t'a propozojë Këshilli i Lartë i Prokurorëve, i cili nuk është ngritur duke bllokuar kështu edhe zgjedhjen e zëvendësit të Llallës.

Por, Rama nuk kërkon të mbesë peng i këtij ngërçi duke shfrytëzuar një pikë tjetër të ligjit sipas të cilit nëse nuk është ngritur ende KLP-ja, atëherë prokurori me më shumë eksperiencë do të ushtrojë detyrën si kryeprokuror deri në zgjedhjen e kryeprokurorit. /albeu.com/
Shtuar më 21/11/2017, ora 11:23

Shkruani komentin tuaj!
Të fundit nga kjo kategori