Partia Socialiste po mban sot një diskutim të hapur ku në qendër është situata ekonomike në vend. Deputetja, Mimi Kodheli tha që në krye të herës se problemi më i madh sot në Shqipëri është ekonomia. Sipas saj, nuk është dashur që një artikull i publikuar së fundi në The Economist, për ta kuptuar, ne përditë e prekim këtë tha ajo. E gjithë, kjo sipas Kodhelit, vjen si pasojë e keqmenaxhimit të parave nga ana e qeverisë.

“Borxhi publik në vitin 2009 ka qenë 682.5 miliardë, në 2010, 715.5 miliardë, në 2011, 773 miliardë. Në këtë moment borxhi ka kapur 800 miliardë lekët.”- tha Kodheli.

Ndërsa deputeti tjetër i PS-së Ilir Beqja u shpreh se nga bota vijnë sinjale jashtëzakonisht të këqia. Sipas tij
kredia ka ngecur ndërsa politikat e Bankës së Shqipërisë nuk kanë dhënë asnjë efekt.

Ndërsa kreu i PS-së Edi Rama tha se në vend po zbatohet një model mbytës ekonomik, çka sipas tij po e çon ekonominë drejt falimentimit.

“Sipërmarrësit po mbyten në borxhet që i kanë njeri-tjetrit, qeveria po e falimenton ekonominë me një model mbytës, e ka zgjedhur qoftë se është e verbër por qoftë se babëzitur. Sot ekonomia familjare qëndron nën peshën mbytëse të korrupsionit më të madh të shtetit shqiptar.

Shitja e pasurive kombëtare, sic quajti Rama privatizimin e Albpetrol, apo të 4 hidrocentraleve thellon borxhin e shqiptarëve.

Debati publik u mbajt në Teatrin e Operas dhe Baletit dhe u drejtua nga paneli i përbërë nga Sekretari për Programin në Partinë Socialiste, Ilir Beqja, deputetja Mimi Kodheli dhe deputeti Erjon Brace dhe ish-guvernatori i Bankës së Shqipërisë Shkëlqim Cani, të cilët po përqëndrohen kryesisht në efektet e krizës në vend dhe nivelin e lartë të borxhit publik”, shtoi Rama. /albeu.com/