Situata e rënduar,Tahiri urdhëron mbledhjen e shtabeve të emergjencave
Ministri i Brendshëm, Saimir Tahiri, për shkak të situatës së rënduar nga reshjet e shiut ka urdhëruar mbledhjen e shtabeve të emergjencave të të gjitha qarqeve, për të përballuar çdo situatë.

Ministri ka kërkuar angazhim maksimal nga strukturat e emergjencave civile për përballimin e gjendjes së rënduar, u ka bërë thirrje edhe qytetarëve të telefonojnë në numrin 129 të Policisë së Shtetit, edhe kur kanë probleme emergjente nga reshjet e shiut.

Reshjet kanë sjellë një situatë të përkeqësuar jo vetëm në kryeqytet, ku gjatë ditës së sotme ka pasur kufizime të energjisë elektrike dhe të furnizimit me ujë të pijshëm, por edhe në zonat e largëta të vendit. /albeu.com/

Shtuar më 22/11/2015, ora 14:13

Shkruani komentin tuaj!
Të fundit nga kjo kategori