Si u infektuan? Konfirmohen me koronavirus nënë e bijë nga Puka
Situata nga koronavirusi në Shqipëri vijon të përkeqësohet dita ditës.

Bëhet me dije se janë shënuar edhe 2 raste të reja me koronavirus në Pukë.

Bëhet fjalë për bashkëshorten dhe vajzën e një pacienti, që u zbulua se ishte i prekur në spitalin e Shkodrës, gjatë ditës së djeshme.

Ky i fundit doli negativ në testin e parë, por pastaj testi i dytë konfirmoi se ai ishte prekur nga Covid-19. Ndërkohë mësohet se edhe mjekët që i kanë shërbyer i janë nënshtruar analizave.

Dyshohet se rasti nga Puka e ka marrë virusin Covid-19, nga kontakti që ka pasur me ‘pacientin zero’ të cilin e ka takuar në Tiranë.

Kujtojmë se deri më tani janë konfirmuar nga Ministria e Shëndetësisë 174 raste infektimi me koronavirus. Ndërkohë numri i dy të infektuarve të rinj në Pukë, pritet të përllogaritet në përditësimin e Ministrisë së Shëndetësisë, gjatë ditës së nesërme. /TCH
Shtuar më 26/03/2020, ora 19:43

Shkruani komentin tuaj!
Të fundit nga kjo kategori