Si në filma, shqiptari arrestohet dhe qëndron gabimisht 135 ditë në burg
Një ngjarje e pazakontë ka ndodhur me një shqiptar në Itali i cili shkoi për pushime por u arrestua dhe u mbajt në qeli 135 ditë. E megjithatë vuajtja e tij do të shpërblehet me mijëra euro.

Gjykata e Milanos rivlerësoi gjithë dosjen dhe në fund vendosi se arrestimi dhe ekstradimi i shqiptarit ishte i padrejte. Atij do t’i paguhet 235.82 euro në ditë, çdo dite burg qe ka bere gabimisht.

Si ndodhi ngjarja?

Një shqiptar në Itali i dënuar me 10 vite burg për trafik droge ka përfituar rreth 31 mijë euro dëmshpërblim nga gjykata, pasi është konstatuar se ai ishte arrestuar sërish pas kryerjes së dënimit të parë si rezultat i një gabimi.

Mediat italiane shkruajnë se shqiptari me inicialet H.H, 53 vjeç u ekstradua nga Shqipëria drejt Italisë, pas të cilit qëndroi në burg për 135 ditë, që u konsideruan në gjyqin final si burgim i padrejtë. Shqiptari ishte arrestuar fillimisht në vitin 2003 dhe u dënua me 10 vite burg nga Gjykata e Milanos për trafik droge, qe e përfundoi në maj të vitit 2013.

Pas lirimit, ai arrestohet sërish nga Interpoli në Itali pasi rezultonte i kërkuar për të njëjtin dënim. Por në Shqipëri u deshën rreth 40 ditë që të sqarohej gabimi e që Gjykata e Elbasanit të zbardhte rastin.

Shqiptari ishte arrestuar sërish në Maqedoni në vitin 2015, ku ndodhej për mjekim pasi vuante nga leucemia. Pas arrestimit ai u ekstradua sërishItali.

Shtuar më 18/06/2018, ora 12:52

Shkruani komentin tuaj!
Të fundit nga kjo kategori