Si e kryente transportin e drogës "Escobari i Ballkanit”
Mediat greke raportojnë se Klemend Balili i njohur ndryshe edhe si "Escobari i Ballkanit" ka trafikuar në vendet perëndimore qindra tonë hashash dhe dhjetëra kg kokainë.

Por si realizohej kjo? Balili, që ndryshe thirrej “Kelly” përdorte kampionë transporti për të fshehur drogën, të cilët i kalonte pa probleme në doganë.

Por përveç kësaj rruge, Balili që shërbente për sigurimin e drogës, dërgonte lëndë narkotike në Greqi duke përdorur dhe motoskafë të shpejtësisë së lartë, duke e dërguar fillimisht në ishujt jonianë të Greqisë dhe më pas në vendet e Evropës Qendrore dhe Perëndimore, raporton panorama.

Kjo është zbuluar nga përgjimi i telefonatave që kënë kryer autoritetet greke gjatë hetimeve.

Gjatë hetimeve gjithashtu është zbuluar se, 44-vjeçari kishte planifikuar të transportonte 60 kg kokainë vetëm pesë ditë pas sulmeve vdekjeprurëse në Paris, ku terroristët shkaktuan 130 viktima.

Në atë kohë, lëvizja nga Belgjika në Itali ishte pezulluar për shkak të masave të rrepta të sigurisë dhe në pikat doganore kontrollohej çdo automjet për të identifikuar xhihadistët e kërkuar. Kjo bëri që lëvizja e drogës të shtyhej.

Në një rast tjetër në prill 2015, grupi i tij u përpoq që të dërgonte kokainë nga Belgjika në Oslo të Norvegjisë përmes një kamioni transporti ndërkombëtar.

Kamioni nuk u lejua të kalonte pasi dërgesa ishte më e madhe sesa madhësia që lejohej në Norvegji. /Albeu.com/
Shtuar më 17/05/2016, ora 22:39
Shkruani komentin tuaj!
Të fundit nga kjo kategori