Shulz takon Ramën: E meritoni statusin (VIDEO)
Pas seancës dëgjimore në Komisionin për Politikën e Jashtme në Parlamentin Europian, Kryeministri Rama zhvilloi një takim me Presidentin e Parlamentit Europian, Martin Shulz ndërsa pas takimit dhanë një konferencë të përbashkët për shtyp.

Presidentin e Parlamentit Europian, Martin Shulz theksoi se Shqipëria e meriton statusin e vendit kandidat.

Kreu i PE-së nënvizoi gjithashtu se po punohet që kjo të ndodhë përpara zgjedhjeve të reja parlamentare evropiane.

Nga ana tjetër, kryeministri Rama theksoi se qeveria e re do të bëjë të mundur ndryshimin.

"Ne kemi një mandat për ndryshim. Ne do të nderojmë këtë mandat duke nisur nga detyra jonë për t’i dhënë opozitës çfarë na është mohuar ne kur ishim në opozitë dhe për të ecur përpara me reformat, luftën ndaj korrupsionit, krimit të organizuar dhe për një të ardhme më të mirë për shqiptarët. Kështu që, unë, jam shumë i lumtur që Presidenti së fundi do të vijë të vizitojë Shqipërinë përpara fundit të mandatit të tij dhe ne do ta mirëpresim. E, deri atëherë do jemi në gjendje t’i tregojmë atij rezultatet e para të “Aleancës për Shqipërinë Europiane”", theksoi Rama. /albeu.com/
Shtuar më 16/09/2013, ora 23:01
Shkruani komentin tuaj!
Të fundit nga kjo kategori