Shtyhet gjyqi për ekstradimin e Almir Rrapos
Shtyhet seanca gjyqësore për ektradimin e Almir Rrapos, ish-punonjësit të ministrisë së jashtme i cili kërkohet nga drejtësia amerikane për disa krime. Kërkesa për shtyrjen e gjyqit është bërë nga avokati i Rrapos dhe më pas trupi gjykues ka marrë edhe vendimin për shtyrjen e saj për një afat ende të pacaktuar.

Almir Rrapo kërkohet nga autoritetet amerikane për krime të rënda, të kryera në kuadër të organizatës kriminale. Almir Rrapo gjendet në qeli prej 2 korrikut 2010. Sipas aktpadisë prej 37 faqesh dorëzuar në gjykatën Federale të Manhatanit nga prokurorët dhe oficerët e FBI-së, 27-vjeçari akuzohet se është anëtar i bandës së Krasniqit, një organizatë ndërkombëtare e krimit e akuzuar për vrasje, rrëmbim, trafik të lëndës narkotike dhe veprimtari të tjera të paligjshme në Shqipëri e SHBA. Sipas Byrosë Federale të Hetimeve, organizata vepronte në shumë shtete të Amerikës, si Nju Jork, Miçigan, Konektikat.
Shtuar më 22/09/2010, ora 11:52

Shkruani komentin tuaj!
Të fundit nga kjo kategori