Shtimi i rasteve me koronavirus, Greqia shtyn mbylljen e doganës së Kapshticës
Qeveria greke ka vendosur të shtyjë datën e hapjes së pikës kufitareKapshticës deri më 14 Dhjetor si pasojë e shtimit të rasteve me koronavirus. Fillimisht u vendos data 4 dhjetor, por ky afat tashmë është shtyrë.

Policia Kufitare i bën thirrje qytetarëve që të shmangin udhëtimin në këtë periudhë kohore dhe të kalojnë nga pika e Kakavijës ku vijon lëvizja normalisht.

Njoftimi i plotë

Drejtoria Vendore e Kufirit dhe Migracionit Korçë. Stacioni i Policisë Kufitare Kapshticë:

Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar shtyrjen e afatit të bllokimit të Pikës së Kalimit Kufitar Kapshticë, deri në datën 14.12.2020.

Sqarojmë se deri në këtë datë, nuk do të lejohet lëvizja e këmbësorëve dhe e mjeteve (vetura, autobusa dhe kamiona) si në hyrje dhe në dalje të Greqisë.

Policia Kufitare e Kapshticës, iu bën thirrje të gjithë qytetarëve që duan të udhëtojnë drejt Greqisë, që gjatë këtij harku kohor, të shmangin udhëtimin drejt kësaj pike kalimi dhe të orientohen në drejtim të Pikës së Kalimit Kufitar Kakavijë, në të cilën lëvizja vijon normalisht.

Duke ju falenderuar për mirëkuptimin.
Shtuar më 03/12/2020, ora 10:24

Shkruani komentin tuaj!
Të fundit nga kjo kategori