Shtimi i ndjeshëm i rasteve, Greqia shtyn afatin e izolimit
Qeveria greke ka marrë vendimin për të shtyrë izolimin deri më 7 dhjetor. Shkaku janë bërë rritja e infektimeve të Covid në Greqi.

Vendimi u dha nga zëdhënësi i qeverisë greke, i cili theksoi se situata pandemike në vend është përkeqësuar. Ai gjithashtu foli edhe për shtatë zona të kuqe në shtetin fqinj, duke paraqitur dhe masat për izolimin.

Zëdhënësi i qeverisë foli për shtatë zona "të kuqe": Selaniku, Serrat, Larisa, Magnezia, Etoloakarnania, Achaia dhe Lesvos.

Ai kujtoi "shkëmbimi i vizitave është i ndaluar" - Ai rekomandoi vëmendje të veçantë në Patras në funksion të festës së Shën Andreas, duke bërë thirrje për të mos bërë një festë tjetër të madhe, pasi e cilësoi si "një rast për transmetim e Covid".

Zëdhënësi i qeverisë njoftoi se masat kufizuese do të shtyhen deri më 7 dhjetor. "Ekzistojnë disa indikacione për zvogëlimin e numrit të rasteve. Nëse ky ritëm vazhdon, atëherë presioni mbi Sistemin Kombëtar të Shëndetit do të fillojë të ulet. Atëherë ne mund të planifikojmë një kthim gradual në një lloj normaliteti. Për momentin, masat ekzistuese për koronavirusin po zgjaten deri të hënën, 7 dhjetor 2020", theksoi Stelios Petsas gjatë konferencës.
Shtuar më 26/11/2020, ora 14:00

Shkruani komentin tuaj!
Të fundit nga kjo kategori