Gjesti i Rihanna-s që po duartrokitet, si e ndihmoi stafin e restorantit që qëndruan pas orarit për shkak të saj

Pas një “nate gocash” jashtë, ku Rihanna bashkë me shoqet e saj detyruan në një farë mënyre stafin e restorantit me yje Michelin, Caviar Russe, të qëndronin jashtë orarit, këngëtarja ka bërë të sajën që t’i ndihmojë kamarierët të pastrojnë vendin.

Një burim për “Page Six” tha se këngëtarja 34-vjeçare ishte veshur në mënyrën më komode të mundshme për daljen me mikeshat, me xhinse të gjëra, një bluzë oversize “No Limits Record” dhe disa bizhuteri, që nuk i ndan asnjëherë nga veshja.

Mamaja e re mbërriti me 6 mikesha në mbrëmje në restorantin që kryesisht shërben havjar dhe shampanjë dhe kanë qëndruar deri në 2 pas mesnate në ambientet e tij. Ndërkohë, pasi kanë mbaruar, artistja është parë duke ndihmuar kamarierët dhe pjesën tjetër të stafit të pastrojnë vendin dhe ta bëjnë gati për të nesërmen, meqë qëndruan pas orarit zyrtar për shkak të saj.

Në fakt, këngëtarja është parë të dalë shpesh në rrugët e New York së fundmi, zakonisht në shoqërinë e partnerit, Asap Rocky, me të cilin u bënë prindër për herë të parë në muajin maj. Edhe pse veshjet e saj nga dalja në dalje ndryshojnë, sipas burimeve për mediat, miliarderja ka zgjedhur që këtë kohë kryesisht veshje të rehatshme, sigurisht duke shkëlqyer ndërsa duket shumë e lumtur.