Kryeministri Sali Berisha ka deklaruar sot se Shqipëria radhitet në një nga vendet me prespektivë shumë të mirë përsa i përket investimeve të huaja. Në mbledhjen e bordit të agjencisë për investimet e huaja, duke ju referuar raporteve ndërkombëtare për investimet në Shqipëri ai u shpreh gjithashtu se të dhënat e fundit tregojnë se është ulur papunësia në vend.

"Në raport theksohet se në Europën juglindore ku përfshihet edhe Shqipëria investimet e huaja dominohen në fushën e prodhimit çka përbën një zhvillim pozitiv pasi është kjo fushë që punëson më shumë se fushat e tjera. Natyrisht në kohën e sotme dhe në kushtet e një krize globale problemi më madhor mbete punësimi. Sipas këtij raporti niveli i papunësisë nuk u rrit por pati tendeca të lehta ulje” shtoi Berisha. /albeu.com/