Real Madrid nuk ka ndërmend të bëjë asnjë transferim këtë verë shkaku i krizës së shkaktuar nga COVID-19, por synon të shesë pesë të tillë.
Te Real Madrid janë duke shpresuar që mund të mbledhin deri në 200 milionë euro nga shitja e lojtarëve raporton Marca, duke shtuar se tashmë veç kanë fituar 45 milionë euro, me Achraf Hakimi që i është bashkuar Interit.
James Rodriguez dhe Gareth Bale janë pranë daljes, me klubin që është i gatshëm të dëgjojë edhe ofertat e mundshme për Marcelon dhe Luscas Vasquez.
Kontrata e James Rodriguez përfundon pas një viti, ndërsa Gareth Bale pas dy vitesh, dhe të dy kanë pasur minuta modeste në fushë këtë sezon.
Mediet spanjolle pretendojnë se Real Madrid është duke kërkuar 25 milionë euro për Bale, me Manchester United, Arsenal dhe Everton që kanë treguar interesim për të.
