Shqipëria ka marr pjesë në një trajnim ushtarak mjekësor në Bosnje Hercegovinë. Excercise Shared Resilience 2012 është një aktivitet i përvitshëm i organizuar nga Shtetet e Bashkuara.

Qëllimi i saj është forcimi i ndërveprimit, lehtësira në menaxhimin e katastrofave, në përgjigje të krizave dhe gatishmërinë e ekipeve shumëkombëshe.

Sipas AS, bashkë me Shqipërinë, pjesëmarrëse ishin Bosnja Hercegovina, Bullgaria, Kroacia, Mali i Zi, Norvegjia, Sllovenia, Serbia dhe Shtetet e Bashkuara.

"Trajnimi është shumë i rëndësishëm. Programi i jep mundësi SHBA dhe partnerëve tanë për tu trajtuar së bashku në mënyrë që të jemi më efektiv për komunitetin. Ne po shkëmbejmë ide dhe teknika në nivel shumëkombësh për të përshpejtuar koordinimin në shpëtimin e jetëve", ka deklaruar koloneli i forcave ajrore amerikane Robert Marks. /albeu.com/