Shqipëria, e angazhuar maksimalisht për TAP
Kryeministri Berisha ka shfrytëzuar takimin me kreun e parlamentitAzerbajxhanit për të theksuar rëndësinë e projektit TAP dhe mundësitë e kalimit të tij në Shqipëri. Kreu i qeverisë e ka cilësuar kalimin e tij nga Shqipëria si variantin më ekonomik dhe me trajektoren më të shkurtër. Nga ana e tij kryeparlamentari Asadov vlerësoi bashkëpunimin në fushën e energjisë pa e përmendur realizimin e projektit TAP.

Kryeministri Berisha i ka premtuar kryetarit të parlamentitAzerbajxhanit Asadov se do të përmbushë çdo detyrim të saj në këtë drejtim. Ndër të tjera kreu i mazhorancës e cilësoi projektin e gazsjellësit Trans-Adriatik (TAP), një projekt vizionar, varianti më ekonomik dhe me trajektoren më të shkurtër, me një leverdi të madhe për Azerbajxhanin, vendet rajonit tonë dhe Europën Perëndimore, duke nënvizuar se TAP ka mundësi reale që të përzgjidhet nga konsorciumi i Shah Deniz. Kryeministri Berisha pohoi gjithashtu, se Shqipëria mbetet e hapur që, në kuadër të ndërtimit të infrastrukturave të rëndësishme të gazifikimit në vendit, të mirëpresë investitorët azerë, që kanë një ekspertizë të madhe në këtë drejtim.

Kreu i qeverisë shqiptare dhe Asadov ndanë të njëjtin mendim se mënyra më e mirë për të forcuar marrëdhëniet mes vendeve është të inkurajohet bashkëpunimi ekonomik dhe nxitja e investimeve. Në këtë kuadër, bashkëpunimi në fushën e energjisë u vlerësua si një nga fushat me potencial të madh bashkëpunimi në të ardhmen.Kreu i parlamentitAzerbajxhanit ndërkohë ka kryer takime edhe me Ministrin e Ekonomisë Tregtisë dhe Eergjitikës, Edmond Haxhinasto.

Shtuar më 18/09/2012, ora 19:22

Shkruani komentin tuaj!
Të fundit nga kjo kategori