Shqipëri- Azerbajxhan, thellim i bashkëpunimit mes vendeve
Kryeministri Berisha zhvilloi sot takim me ministrin e Kulturës dhe Turizmit të Azerbajxhanit Abulfaz Garayev. Ministri Garayev, si përfaqësues zyrtar i Republikës së Azerbajxhanit në festimet e 100-vjetorit të pavarësisë së Shqipërisë, i shprehu Kryeministrit edhe njëherë urimet më të përzemërta për festën e pavarësisë.


Gjithashtu, ai shprehu edhe potencialin që marrëdhëniet mes dy vendeve kanë për t’u intensifikuar, jo vetëm në aspektin ekonomik, por me rëndësi edhe në aspektin kulturor mes dy popujve. Në këtë kuadër, dje u nënshkrua edhe një marrëveshje ndërmjet ministrave të Kulturës e Turizmit të të dy vendeve, në bazë të së cilës parashikohet një shkëmbim intensiv eksperiencash e praktikash në fushën e kulturës dhe turizmit.

Kryeministri Berisha e falënderoi ministrin Garayev për prezencën e tij në festimet e 100 vjetorit të pavarësisë dhe shprehu bindjen për zhvillimin e mëtejshëm të marrëdhënieve ndërmjet dy vendeve tona, historia e të cilave është karakterizuar rrënjësisht nga diversiteti kulturor dhe toleranca. /albeu.com/
Shtuar më 30/11/2012, ora 14:20
Shkruani komentin tuaj!
Të fundit nga kjo kategori