Shpërthen ish-nënkryetari i FRESH-it: Kodheli dhe Baze duhet të shkarkoheshin ose dorëhiqeshin
Nënkryetari i dorëhequr pak ditë më parë i Forumit Rinor Euro Socialist (FRESH-it), Juxhin Çela kërkon dorëheqjen e ministres së Mbrojtjes, Mimi Kodheli dhe të Shefit të Shtabit pas shpërthimit në Librazhd të granadës ku vdiq një person dhe mbetën të plagosur dy të tjerë.

Përmes një postimi në Facebook, z. Çela shprehet se dy drejtuesit e Ministrisë së Mbrojtjes ose duhet të ishin dorëhequr ose duhet të ishin shkarkuar.

“Ne do të ishim një vend normal nëse Shefi i Shtabit të Përgjithshëm të Forcave të Armatosura, Jeronim Bazo dhe Mimi Kodheli do të kishin dhënë dorëheqjen apo do ishin shkarkuar pas ngjarjes, por jo. Jemi nje vend ku askush nuk mban përgjegjësi për asgjë, ku edhe autorët e indiferencës bëjnë kritikë pasi fajin e ka gjithmonë dikush jashtë nesh...”, shkruan ish-nënkryetari i FRESH-it, Junxhin Çela.

Në vijim të postimit të tij, Çela thekson se qeveria duhet të kujdeset edhe për zbatimine urdhrave për të shmangur tragjedi të tilla.

“E tmerrshme mënyra se si janë sjellë pas ngjarjes duke akuzuar kuturu njëri-tjetrin! Papërgjegjshmëria & indiferenca shtetërore vazhdon të vrasë. Nuk është prioritet mesa duket mbyllja e reparteve ushtarake që merr jetët e njerëzve të pafajshëm. Qeveria nuk është "thinktank" që këshillon ushtrinë për gjërat që do të kryejë. Qeveria mban përgjegjësi edhe për ekzekutimin e një urdhri!”, shkruan Çela.

Por menjëherë pas këtij postimi, kanë shpërthyer reagimet e anëtarëve të tjerë të FRESH-it.

Portali Albeu sjell disa prej reagimeve:

Erjon Doda: Para 23 Qershorit betoheshe për Mimin, kaq shpejt të paska ndryshuar opinioni?

Enida Bozheku: Juxhin Çela ti me këto fjalë? Sinqerisht bravo për ndërgjegjësimin.

Irena Matraku: Shpejt ndryshove kahun ti, kaq të pakënaqur të lanë?
Shtuar më 30/03/2014, ora 23:40
Shkruani komentin tuaj!
Të fundit nga kjo kategori