Ish-gjyqtari Alaudin Malaj është shoqëruar nga policia. Mësohet se ai është shoqëruar me forcë në zonën e Liqenit Artificial të Tiranës, për shkak të një konflikti.

Malaj ka qenë bashkë me njërin nga djemtë tek Liqeni Artificial por ende nuk dihet se cfarë ka ndodhur konkretisht.

Malaj ndërkohë është në proces divorci me bashkëshorten e tij, e cila më 22 gusht, ka kërkuar në gjykatë urdhër të menjëhershëm mbrojtje.

Malaj, ish gjyqtar i Gjykatës së Apelit dha dorëheqjen nga statusi i magjistratit në korrik të këtij viti, duke iu shmangur procesit të vettingut.

Alaudin Malaj, është gjyqtari që bëri publik vendimin e dënimit në Itali të Geron Xhafajt, vëllait të ish-ministrit të Brendshëm, Famir Xhafaj.