SHOKUESE/ Vajzat akuzojnë babain për ngacmim seksual, ja çfarë i bëjnë për ta fundosur
Gjykata e Tiranës shpalli të fajshëm një baba 44-vjeçar, të akuzuar për “ngacmim seksual” të dy vajzave të tij të mitura.
Krimi seksual brenda familjes është kallëzuar nga vetë vajzat e të pandehurit Jashar L., të cilat edhe kanë filmuar me video një prej këtyre episodeve, përmes një kamere të fshehtë.

Sipas vendimit të shpallur pak ditë më parë nga gjyqtarja Migena Laska, i pandehuri Jashar L. u dënua me 3 vjet e 2 muaj burg, por për shkak të gjykimit të shkurtuar, dënimi i tij përfundimtar shkoi në 2 vjet e 40 ditë heqje lirie.

Referuar vendimit të Gjykatës, një kopje e të cilit u sigurua nga “Panorama”, në caktimin e masës së dënimit, gjykata shprehet ndër të tjera se “rrezikshmëria shoqërore e veprës dhe në veçanti e autorit të saj konsiderohet mesatare.

Gjithashtu, gjykata merr parasysh faktin se i pandehuri pranon fajësinë e tij, është shprehur i penduar, ka kërkuar falje dhe ka premtuar se asgjë e tillë nuk do të përsëritet në të ardhmen”.

Po ashtu, gjykata ka vlerësuar se vepra për të cilën akuzohet Jashar L. nuk është kryer në veprime të dhunshme, kërcënuese apo shtrënguese dhe se marrëdhëniet mes tyre pas kallëzimit janë normalizuar. Sipas vendimit të gjykatës, i pandehuri Jashar L. u procedua penalisht, pasi u kallëzua nga dy vajzat e tij në korrik të vitit të kaluar.

Të dëmtuarat M. L. dhe A. L. kanë deklaruar se ngacmoheshin nga babai i tyre që kur kanë mbushur moshën 14-vjeçare.

Në qershor 2016, dy vajzat kanë shkuar në një nga vendet fqinje të Shqipërisë, ku ai punonte prej vitesh. Në korrik të këtij viti, ato kanë kallëzuar babain për dhunë ndaj tyre, por ai është liruar pasi ato kanë tërhequr kallëzimin.

Sipas vajzave, pas këtij momenti, babai i tyre shfrytëzonte rastin kur ato ishte vetëm njëra në shtëpi dhe i ngacmonte seksualisht. Ndodhur në këto kushte, vajzat kanë komunikuar me njëra-tjetrën dhe më pas, me xhaxhain e tyre. Pas konsultimit bashkë, kanë vendosur që të filmonin momentin kur babai i tyre i ngacmonte seksualisht dhe kjo vetëm për të bindur familjarët e tyre.

Për të kryer këtë veprim, ato kanë marrë tabletin e xhaxhait të tyre. Në momentin kur i pandehuri është kthyer në shtëpi, shtetasja A. L. është larguar me justifikimin se kishte punë, ndërsa në shtëpi ka ngelur vajza tjetër M. L. dhe babai i saj, Jashar L.

Gjatë kësaj kohe, i pandehuri e ka futur vajzën në krevat. Vajza e tij rezulton të jetë shtrirë në të njëjtin krevat, ku dhe kanë kryer veprime të caktuara, të cilat shquhen qartë në videon filmike.

Pas realizimit të videos, vajzat janë kthyer në Shqipëri dhe në korrik 2016 kanë depozituar një kallëzim kundër babait në Komisariatin e Policisë nr.6, bashkë me pamjet video të regjistruara.
Shtuar më 28/03/2017, ora 07:35

Shkruani komentin tuaj!
Të fundit nga kjo kategori