Drejtonte ambulancën në gjendje të dehur, shoferi përplas 3 makina(VIDEO)
Një autoambulancë ka përplasur 3 makina në zonës e Kodrës së Diellit në Tiranë. Mësohet se autoambulanca drejtohej nga shoferi i cili gjendej në gjendje të dehur.

Shërbimet e Komisariatit Rajonal të Policisë Rrugore Tiranë, kanë arrestuar në flagrancë shtetasin Islam Alla, 47 vjeç, banues në Tiranë.

Policia Rrugore i ka bërë drejtuesit të autoambulancës testin e alkoolit me aparat Dragger, ku ka rezultuar se Islam Alla, drejtonte mjetin nën ndikimin e alkoolit në masën 1.00mg/l.

Materialet proceduriale i’u kaluan Prokurorisë pranë Gjykatës së shkallës së parë Tiranë, për veprën penale “Drejtim i mjetit në mënyrë të parregullt”, parashikuar nga Neni 291 i Kodit Penal./albeu.com/

Shtuar më 08/01/2017, ora 11:32
Shkruani komentin tuaj!
Të fundit nga kjo kategori