Shkupi i parapriu Vlores
Albeu.com
“Më 12 gusht bëhet çlirimi i Shkupit, ndërsa më 14 tetor mbahet Kuvendi i Shkupit ku merret vendimi që nga kërkesa për autonominë e deriatëhershme të kalohet në atë për pavarësi. Kjo pavarësi duheshe të shpallet në Shkup, por për shkaqe të depërtimit të ushtrisë serbe shtyhet dhe ajo shpallet në Vlorë”, tha Skender Asani.Pas shumë orvatjeve të lëvizjeve kombëtare shqiptare me anë të kryengritjes dhe formave tjera të rezistencës për të krijuar shtetin e tyre të pavarur, kapitalizmi i punëve të rilindësve kombëtare shqiptare u bë me shpalljen e pavarësisë në vitin 1912. Megjithatë, në janar të viti 1912 kryengritja e përgjithshme, ku në bazë të saj u vendosën fytyrat e njohura si Hasan Prishtina, Isa Boletini, Bajram Curri etj, për një periudhë periudhë shumë të shkurtër u zgjerua aq shume kryengritja saqë përfshiu të gjitha trojet etnike shqiptare. “Në fillim të prillit u çliruan rrafshi i Kosovës, Dukagjini dhe viset tjera, ndërsa kryengritësit shqiptar nuk kishin në synim të ndalen në atë pjesë të vilajetit të Kosovës, por sipas kuvendit të Junikut thuhet se kryengritja do të përfundojë me hyrjen e kryengritësve në Shkup”, thotë historiani Skender Asani. Prej çlirimit të Prishtinës me mijëra kryengritës marshojnë drejt Ferizajit, dhe në këtë qytet u mbajt kuvendi i madh ku u përpiluan 14 kërkesa, të njohura si kërkesat e Hasan Prishtinës. Këta kërkesa iu paraqitën qeverisë Osmane, por ajo i vonoi përgjigjet, ndërsa afër 60 mijë kryengritës marshuan drejt qytetit të Shkupit. “Kur jemi te çlirimi i Shkupit, duhet të them se ai veç se ishte çliruar më 5 dhe 6 gusht nga çetat që vepronin përreth Shkupit nën kryesinë e Ali Efendi Topallit dhe më 12 gusht vinë kryengritës nga të gjitha viset etnike, ndërsa 12 gushti merret si data e çlirimit të Shkupit”, sqaron Asani. Kjo datë me rëndësi është anashkaluar nga histografia maqedonase. “Shqiptarët duhet ta fusin këtë datë në librat shkollore historike pasi kjo duhet të tërheqë vëmendjen e nxënësve dhe gjeneratave të reja”, thotë ai. Kryengritja e përgjithshme me çlirimin e Shkupit më 12 gushti dhe mandej edhe me 18 gusht, është marrëveshja shqiptaro-osmane, e viti 1912. “Me 14 tetor është kuvendi i Shkupit ku merret vendimi që nga kërkesa për autonominë e deriatëhershme të kalohet në atë për pavarësi. Kjo pavarësi duheshe të shpallet në Shkup, por për shkaqe të depërtimit të ushtrisë serbe shtyhet dhe ajo shpallet në Vlorë. Kjo do të thotë se Shkupi i parapriu shpalljes së pavarësisë së Shqipërisë-shtetit shqiptar”, tha Asani. Më 28 nëntor 1912 u shpall shteti i pavarur shqiptar që ishte i obligueshëm për të gjitha trojet etnike, ndërsa në kongresin e ambasadorëve në Londër, trojet etnike shqiptare u copëtuan, duke i mbetur një pjesë Serbisë, Malit të Zi, dhe Greqisë.


Pas 100 vjetëve do rishqyrtohet çështja shqiptare!

Historiani Skender Asani thotë se pas 100 viteve do të rishikohet çështja shqiptare. “Duhet venë re një dokument, i cili ende nuk është publikuar dhe është i panjohur për opinionin e gjerë. Një diplomat anglez, i quajtur Bikonsfild, pjesëmarrës në Kongresin e ambasadorëve në Londër pohon se pas 100 viteve do të rishqyrtohen çështjet shqiptare. Në këtë kohë Evropa do t’i marrë parasysh kërkesat e tyre”, thotë Asani. Atëherë shtrohet pyetja si do t’i gjej 2012 shqiptarët në këto troje? (Bekri Ajdini, lajm)
Shtuar më 12/08/2009, ora 20:24
Tage: arkiv

Shkruani komentin tuaj!
Të fundit nga kjo kategori