Qeveria shkarkoi sot drejtorin e Agjensisë Telegrafike Shqiptare Basir Çollaku duke vendosur në krye të ATSH-së Gëzim Podgoricën. Në mbledhjen e sotme qeveria miratoi edhe projektligjin për marrëveshjen e asistencës së shërbimit doganor.


Kjo marrëveshje, që do t’i propozohet Kuvendit për miratim, rregullon marrëdhëniet juridiko-civile me shoqërinë “Crown Agents Limited”, e cila do të japë shërbim asistence për përmirësimin e performancës, rritjen e të ardhurave dhe zvogëlimin e korrupsionit në administratën doganore.