Shkarkimi i Klement Zgurit, KQZ hedh poshtë pretendimet e PS
Pëlqej
Ditën e djeshme Partia Socialiste dorëzoi kërkesën për shkarkimin e Klement Zgurit e cila ditën e sotme është hedhur poshtë nga KQZ.

Komisioni Qendror i Zgjedhjeve ka rrëzuar kërkesën e Partisë Socialiste për shkarkimin e Klement Zgurit nga posti i kreut të këtij institucioni.

Socialistët pretendojnë se Zguri ka fshehur informacionet mbi kryebashkiakun e Mallakastrës, Agron Kapllanaj, gjatë shqyrtimit të kërkesës për ndërprerjen e mandatit të tij për shkak të ligjit të dekriminalizimit.

Por referuar një tjetër dokumenti, rezulton se materialet në lidhje me çështjen në fjalë kanë mbërritur nga Prokuroria e Përgjithshme në KQZ në datën 16 tetor dhe pas protokollimit janë depozituar në zyrën e Sekretares së Kryetarit të KQZ.

I njëjti material në datën 17 tetor i është shpërndarë anëtarëve të KQZ-së, çka do të thotë se nuk ka pasur fshehja të dokumenteve nga ana e kreut të këtij institucioni, ashtu sikundër pretendohet në kërkesën e PS-së.
Shtuar më 14/11/2017, ora 19:27
Shkruani komentin tuaj!
Të fundit nga kjo kategori